ऊर्जा खबर
काठमाडौं । भोजपुरमा ५ मेगावाटको पिखुवा खोला निर्माण गरी सञ्चालनमा ल्याएको इष्टर्न हाइड्रो पावर लिमिटेडको सेयर बाँडफाँड भएको छ । कम्पनीले सर्वसाधारणका लागि गत असोज २८ गतेदेखि कात्तिक २ गतेसम्म निष्कासन तथा बिक्री खुल्ला गरेको सेयर बाँडफाँड गरेको हो ।
कम्पनीको सेयर ६२ हजार ५ सय ११ जनाले गोलाप्रथाबाट १०/१० कित्ता पाएको बिक्री प्रबन्धक एनएमबि क्यापिटल लिमिटेडले जनाएको छ । क्यापिटलकका अनुसार १३ लाख ५८ हजार २ सय २० जनाको अवेदन परको थियो ।
आवेदकमध्ये १३ लाख ५६ हजार २ सय २४ जनाको आवेदन स्वीकृत भएको छ भने बाँकी १ हजार ९ सय ९६ जनाको विभिन्न कारणले आवेदन रद्द भएको क्यापिटलले जनाइएको छ ।
कम्पनीले सय रुपयाँ अंकित ६ लाख ७० हजार २० कित्ता सेयर निष्कासन गरेको थियो । निष्कासित सेयरमध्ये ५ प्रतिशत हुन आउने अर्थात ३३ हजार ५ सय कित्ता सेयर सामुहिक लगानी कोषका लागि र २ प्रतिशत हुन आउने अर्थात १३ हजार ४ सय ६ कित्ता सेयर कम्पनीका कर्मचारीका लागि छुटया्एको र बाँकी ६ लाख २३ हजार ३ सय ९८ कित्ता सेयर सर्वसाधारणका लागि निष्कासन गरेको थियो ।
कम्पनीको भोजपुरमा ५ मेगावाटको पिखुवा खोला जलविद्युत आयोजना सञ्चलनमा छ । आयोजनाको प्रतिमेगावाट लागत २६ करोड ११ लाख ७४ हजार ६ सय ९८ रुपैयाँ र आयोजनाको कुल लागत १ अर्ब ३० करोड ५८ लाख ७३ हजार ४ सय ५४ रुपैयाँ रहेको छ ।
