ऊर्जा खबर
काठमाडौं । दिव्यश्वरी हाइड्रो पावर लिमिटेड करिब २ करोड रुपैयाँ घाटामा छ । कम्पनीले सार्वजनिक गरेको गत आर्थिक वर्ष २०७८/७९ को वित्तिय विवरण अनुसार कम्पनी घाटामा देखिएको हो ।
असारसम्मको अवधिमा १ करोड ७३ लाख ६४ हजार रुपैयाँ घाटामा रहेको कम्पनीले सार्वजानिक गरेको वित्तिय विवरणमा उल्लेख छ । कम्पनीका घाटा गत वर्षको तुलनामा भने घटेको हो । गत वर्ष ३ करोड ३ लाख ४५ हजार रुपैयाँ घाटामा थियो ।
कम्पनीले विद्युत बिक्री गरी ८ करोड ९९ लाख १६ हजार रपैयाँ आम्दानी गरेको छ । गत वर्षको तुलनामा आम्दानी बढेको हो । गत वर्ष ७ करोड १ लाख २१ हजा रुपैयाँ आम्दानी गरेको थियो ।
यस्तै, कम्पनीले अन्य स्रोतबाट गत वर्ष १ करोड ४ लाख २० हजार रुपौयाँ आम्दानी गरेको छ । कम्पनीको अन्य स्रोतबाट गरेको आम्दानी यो वर्ष भने घटेको छ । यो अवधिमा कम्पनीले जम्मा ७ लाख ५ हजार रुपैयाँ आम्दानी गरेको छ । कम्पनीकाे ४ मेगावाटकाे सभा खाेलाले नियमित विद्युत उत्पादन गरिरहेकाे छ ।
%20copy.jpg)
