ऊर्जा खबर
काठमाडौं । टाटा मोटर्सले आफ्ना उत्पादन बिक्री वितरणका लागि भरतपुरमा नयाँ साेरुम सञ्चालनमा ल्याएको छ । टाटा मोटर्सको नेपालका लागि आधिकारिक बिक्रेता सिप्रदी ट्रेडिङ्गको भरतपुरका लागि आधिकारिक वितरक एसएच मोटर्सले असाेज ५ गतेदेखि साेरुम सञ्चालनमा ल्याएको हो ।
३ हजार ५ सय वर्गफिट क्षेत्रफलमा फैलिएको एसएचमोटर्स भरतपुरको रिजाल चोकमा अवस्थित रहेको छ । यहाँ टाटा मोटर्सका सम्पूर्ण रेन्जका कारहरू उपलब्ध हुनेछ ।
सोहि कार्यक्रममा नेपालमा भर्खरै सार्वजनिक गरिएका टाटा पन्च र टियागो इभी नामक दुई नयाँ गाडीहरूको बिक्रि वितरण पनि सुरु भएको छ । कार्यक्रममा सिप्रदीको तर्फबाट पेसेन्जर सेगमेन्ट गाडीका प्रमुख सावन्तजङ्ग सिजापति र एसएचमोटर्सका व्यवस्थापकीय प्रमुख निर्देशक शर्मिला सेढाइको उपस्थिति रहेको थियो ।
साेरुमको उद्घाटन समारोह बोल्दै, सावन्तजङ्ग सिजापतिले टाटा मोटर्सका लागि महत्पूर्ण मानिएको भरतपुर बजारमा यस प्रकारको उच्चस्तरीय शोरुम सञ्चालनले कम्पनीको ग्राहकलाई उच्च सुविधादिने हाम्रो प्रयत्नलाई सबल बनाएको बताए । ‘ग्राहकको सन्तुष्टि हाम्रो उच्चप्राथमिकता हो र सिप्रदी ट्रेडिङ्ग र एसएचमोटर्सको नेतृत्वमा यस शोरुमको सञ्चालनले यस क्षेत्रमाविक्री, सेवा र ग्राहक सन्तुष्टिको पाटोमा नयाँ आयाम आउने कुरामा हामी विश्वस्त छौं’ उनले भनन ।
समुच्च जिपट्रन प्रविधिले सुसज्जित टियागो इभीपाँच स्तम्भहरूमा उभिएको छ र तिहुन् कार्य कुशलता, प्रविधि, विश्वास, चार्जिङ्ग र आराम अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प जस्ता विशेषताहरु रहेका छन् । यो गाडीको इन्टेरिएर र एक्स्टेरिएर दुवैको बनावट पनि उत्कृष्ट एवं आकर्षक छ ।
त्यसैगरी, टाटाको ‘न्यु फरेभर’ रेञ्ज अन्तर्गतको पन्चको चार आधार स्तम्भहरु मनमोहक डिजाइन, विशेष कार्यक्षमता, फराकिलो इन्टेरिएर र पूर्ण सुरक्षा हुन् । पन्चहाल भारतीय बजारमा सबैभन्दा बढी विक्रीभइरहेको सब कम्प्याक्ट एसयुभी रुपमा पनि परिचित छ ।
